Wednesday, December 9, 2009

मालपोतको खरदार (कथा)

एउटा सानो दुइ कोठे ढुंगाको भवनामा दुइवटा सरकारी कार्यालय र ती दुई कार्यालयका कुरूवा उनी र म । त्यही नाताले समय कटाउन हामी साथी हुनै पर्ने भयौ। जुवा, जाँडरक्सी, चुरोटको लतबाट टाढै रहेकाले हामी दुइको कुरा मिल्थ्यो । सिस्टमले ठगिएका उनी । सिधै मालपोतको नियुक्ती पत्र लिएर आए पनि हाजीर हुन नपाएका रहेछन । भुमिसुधार मालपोतमा गाभिने सरकारी निर्णयपछि चै उनको सपना पुरा हुने भयो । मालपोतको खरिदार भए उनि र हाकिमलाई रिझाइ राम्रो कमाइ हुने फाँटमा पनि खटिए । दिन फिरे उनको, कमाइ पनि असाध्य । आउने बाटो खुले पछि, जाने बाटो पनि खुल्दो रहेछ । जाँडरक्सी त बुबाको बर्खीको कारणले रोकिएको रहेछ । मालपोतको कमाइ सँगै, जाँडरक्सी, जुवातास र अन्य रमाइलो शुरू भयो । जीन्दगीमा मोज गर्नु पर्छ भन्ने उनको सिद्धान्त पनि थाहा भयो । खासै सुन्दर, हेन्डसम त भन्न मिल्दैन । पुच्च निस्केको भुँडी, होचो कद, जुँगा भन्दा दाह्रि घना, अनि हाँस्दा नमिलेको दाँत, तैपनी तरूनी रिझाउने कला जन्मजातै सिकेर आएका थिए उनले । भोटेनी, नेवार्नी, बाहुनी, क्षेत्रीनी सबै जातका केटी फसाउँन भ्याउनका थिए । कोठा सँगै भएकाले उनको रासलीलाको साक्षी हुन्थे म ।

दशैंमा घर गए लगत्तै उनले मंसिरमा विहेवारि गरि दुलही भित्त्राए । खुबै मिलनसार थिइन भाउजू । हँसिली र शुसील, बुढालाइ माया, विश्वास गर्ने । वैवाहिक जीवन राम्रो चल्दैथ्यो दुवैको । मलाइ लाग्यो, अब चाँहि सुध्रिए साथी । एक महिनाका लागि भाउजूको माइत प्रस्थान सँगै खरदार साहेबको पुरानो चर्तिकला शुरू भए । कोठामा अनुपस्थित हुन थाले, अनि होटलको वास हुन थाल्यो । भाउजू फर्के लगत्तै मेरो सरूवा भयो र म राजधानी पसेँ । पछि थाहा भयो उनको पनि काठमाडौंको मालपोत कार्यालयमा सरूवा भयो भन्ने ।

आज एक्कासि चावहिल चोकमा साथीसँग भेट भयो । त्यही रूप, त्यही जीउडाल, अनि त्यही हाँसो तर झुस्स बढेको दाह्री, फोहोर कपडा । चियाको चुस्की सँगै कुरा बढ्यो हाम्रो । "साथी मालपोतको कमाई स्याहार्दा, ज्यान स्याहार्ने पनि फुर्सत भएन?" व्यंग कसियो,जवाफमा खिस्स हाँसे उनी । "क्या हो? भाउजूले वास्ता गर्दिनन् जस्तो छ नि"अर्को व्यंग ठोकियो । तर जवाफमा हाँसो आएन । आँखा छल्किए उनका र पिडा उर्लियो आवाजमा "त्यो पापिनीको कुरा नगर साथी, विवाह अघिनै उसको प्रेम रहेछ, मलाइ छाडी उसँगै घरजम गरी बसेकी छ अहिले"उनि उठेर हिँडे र म अवाक भइ हेरीरहेँ । दोष कसको हो भनि भन्नु मैले मालपोतका खरदारलाई ।

Friday, December 4, 2009

Sabin :P

To the one who when kept on land of choclate sees nothing but calories and more calories

"Dear Sabin,
As a rule, you are a fool
when it is hot, you want it cool
when it is cool, you want it hot
always wanting for what is not

Complaining, critisizing and backbiting
all you want to do
I wonder, what is that single thing
that impress you

you said, they have to do this?
so have you ever done this?
You said, they better do that?
so have you ever tried that?

you think, you are perfect
but sorry my friend, I don't think so
If only you are the sole inhabitant of this earth
If only you can see the invisibles
If only you can do the impossibles
If only.....
'you will be the perfect'

All i want to say is, a small fact
that nobody is in this world is perfect
so stop finding the defects

just give somebody a handful of praise
a handful of admire and a handful of love
then see, how beautiful the world would be

with a little change in your thought
lots of happiness, it will brought (bring)

So try to follow the path given below

If somebody can not come first
think, at least he is not the last
if somebody's talents are not the best
think, at least they are not the worst

so dear sabin,
don't comment on something so soon
remember, even there is scale on the moon
even a beautiful rose wears, an innumerable thorns
so try to count a garden by flowers
not by the leaves that fall
count a day by the bright sun
not by the clouds at all
fill your life by smiles not by the tears
count your age by friends not by years
"becoz' smile is only that curve
that set lot things straight' "

- A small joke from your fren Raveena

मेरै हुन हेर्नु .....

याद मेरो आयो भने, आकाशमा जून हेर्नु ।
लजाएर नजर झुकाइ, मेरै प्रिय हुन हेर्नु ।।

निशा अनि हामी विच केही पनि नरहोस है ।
आँखा चिम्ली हामी दुइले सपना अरू कुन हेर्नु ।।

द्रव्यको चम्काइमा त्यो मन अझै अल्झिएला ।
चहकिलो सबै छाडी, नम्बरी नै सुन हेर्नु ।।

बत्तिसै ति लक्षण त मेरा पनि छैनन होला ।
वैगुन सबै विर्सीदेउ, मात्रै मेरा गुन हेर्नु ।।


Thursday, November 5, 2009 at 11:55am

(सुरेश खतिवडाजी लाई विशेष धन्यवाद, सम्पादनका लागी)

मायाको आन्दोलन

मायाको आन्दोलन जारी छ ।
माया भन्दा रिसनै भारी छ ।।

अंहकार र मायाको द्वन्दमा ।
दुइ विच मौन जुहारी छ ।।

मनै भुलाउन खोजेको हो भने ।
फुर्सत नभा'को जानकारी छ ।।

तिमी उन्नाइस भए मपनि बीस ।
नभन्नु 'सबिन' त अंहकारी छ ।।



Thursday, October 29, 2009 at 2:30pm

Thursday, December 3, 2009

म बहुलाएको हैन

तिमीलाइ बोलाएपनि त्यो नाम लिइ चिच्याएको हैन ।
बर्बराउँछु त्यही नाम सधैँ, तर म बहुलाएको हैन ।।

निराकार बादल माझ हाम्रो सपना बुनीबस्छु म ।
दुइ परेली भेट्नै बिर्सन्छन्, तर म टोलाएको हैन ।।

रातो रंग मायाको लाउन खोजेको मनका भित्ताहरूमा ।
रंगीननै छ रहरहरू, बजारिया रंगले रंग्याएको हैन ।।

खै कस्तो शून्यता, खालीपनले सताइरहन्छ आजकल।
एकोहोरो कल्पनामा जीउने बानी, रहरले अपनाएको हैन ।।

Sunday, September 20, 2009 at 1:56pm 

माया र बाध्यता

माया त गर्छु तर जीवनभरी साथ दिन सक्दिन ।
तिमी लडखडाउँदा सम्हाल्ने हात दिन सक्दिन ।।

नमागे वेश मसँग सात जन्मका वाचाहरू ।
तिम्रो आत्मा मारिजाने घात दिन सक्दिन ।।

निस्वार्थ माया भरिएको मनमात्र छ तिम्रो लागी ।
पलभरको आनन्द दिने जोवनको मात दिन सक्दिन ।।

उषा बनि आउनेछ अरूनै कोही तिम्रो जीवनमा ।
मेरो आगमन सँगै आउने रात दिन सक्दिन ।।

 Friday, August 28, 2009 at 8:18pm

चाहना उही रहन्छ ...

नाम जेसुकै दिए नाताको , भावना उही रहन्छ ।
पाउने नपाउने दैव खुशी, चाहना उहि रहन्छ ।।

नचाहे पनि मेरो हाल बुझ्न, तिम्रो खुशी।
तिमी सँगै रात कट्ने, सपना उही रहन्छ ।।

कति माथी फहराउँ आकाशमा, रहरका चँगाहरू ।
तिमी विनाको शून्य विपना उही रहन्छ ।।

होस, वेहोस तिमी मात्र छौ जहीँ तहीँ ।
एकान्तमा साथ पाउने वाहाना उही रहन्छ ।।

Tuesday, August 18, 2009 at 12:13pm 

Popular Posts