बा (गजल)

मन्दिर मस्जिद धाउने संसार मैले पनि भोगेको छु
बा ले कपाल मुसार्दा नै मैले देव भेटेको छु

कलिला यी पाईलालाई हल्लाउँथ्यो यो धरती
मेरो बा को औंला थामी म अझै नि अडेको छु

जवानीमा बा को र मेरो अहिलको तस्वीर हेर्दा

म भित्र बा र बा मा मेरो मिल्दो छवि देखेको छु

अँधेरीमा आशा खोज्दै शिर माथी उठाउँदा
आकाशको त्यो चम्किलो तारामा बा भेटेेको छु

जिन्दगीको दोबाटोमा कुनै बाटो रोजी हिँड्दा
सँधै सँधै म बा सँग सहयात्री बनेको छु