बातका याद (गीत)

स्वरः छिरङ शेर्पा र श्रेया सोताङ
संगीतः कालीप्रसाद बासकोटा
शब्दः एकतारे


तिम्रो मेरो बिचको स-सानातिना बात
मिठो-मिठो बनेको छ यो हाम्रो साथ
छरिएका यी क्षण यी पल हामी बिच
गाँसिएर टुक्रा टुक्रा बन्दैछन् याद

दुःख बाँडे दुःखै घट्ने, दुःख सुनाउ तिम्रो
सुख बाँडे खुशी बढ्ने, सुख लैजाउ मेरो
बाँडी चुँडी साँचौं मुटु भरी
फेरीफेरी जिन्दगी यो गरौं साटासाट

जिन्दगी यो बढे जस्तै बढ्दै जाओस् माया
जिन्दगी यो घाम बने यही नै बनोस् छाया
घामछायाँ एकै भएसरी
जुनिजुनि रहीरहोस् हाम्रो यो साथ...