अब त बाँच्ने आधार छ
अँगालोमा यो मुहार छ
एक्लै हाँस्न कहिले रुन
बहानै त हो हजार छ
रोएछु भेट भएको बेला
मन खाली गर्न हतार छ
म र तिमी साँघुरो भयौं
हामी भई दिए संसार छ
आँसु देउ लैजाउ हाँसो
'दिनेश'को यस्तै व्यापार छ
'एकतारे' मिठो बज्दैछ आज
धुनमा मिलनको झंकार छ
साथी दिनेशराज ज्ञवाली सँगको सहलेखनमा पहिलो गजल । वहाँको वैवाहिक जिवनको लागि शुभकामना सहित यो गजल यो जोडीमा समर्पित . . . .
हेर हेर यी ओँठमा फुलेको मुस्कान,
ReplyDeleteतिमी नै हौ कर्ता, तिम्रै अधिकार छ।
वाह वाह वाह..... सबिनको एकतारेले मिठो धुन दिएकै थियो, रबिन्द्र गुरुको गीतले पो झन झन्कार थपिदियो :) वाह :)
Deleteधन्यवाद मित्रहरू, दिनेशगुरूको त्यो खुशीको पलहरू झन् झन् खुशी लिएर आउनेछन् :)
Delete