हुनुपर्छ (गजल - ७६)

संसार कहाँ चाहिन्छ र? एउटा खास हुनुपर्छ

माया दिँदा माया पाउने जिउँदो आश हुनुपर्छ

तिम्रा हरेक सवालको सही जवाफ पाउने छौ

मैले सत्य बोलेकोमा तिम्रो विश्वास हुनुपर्छ

झरेको त्यो पात सरी हुँ जहाँ पनि पुगिदिन्छु

उडाएर बोकी लाने मन्द बतास हुनुपर्छ

मायाको यो घर सामु अडिएको छ घाईते मुटु

यही घरमा पीडाको नै वसोबास हुनुपर्छ

न त हुन्छ वाहवाही, न त भन्छन् बहुत खुब
मेरा गजल, गजल नभै मेरो बकवास हुनुपर्छ

लौ ! वैरागी शेरहरू फेरी फुर्न  थालेका छन्

'एकतारे' प्रेममा परी फेरी निराश हुनुपर्छ

जहाँ पनि पुगिदिन्छु