नयाँ वर्ष (कविता)

क्यालेन्डर चिथोरेर भित्तामा हेर
फेरी एउटा बिहानी उदाएको छ
फरक दिनको उस्तै बिहानी हो
या फरक दिनको नयाँ कहानी हो

सिरक भित्रैबाट हात तन्काएर
झ्यालका पर्दा उघारी पूर्वी आकाश हेरेँ
कुहिरोमा निस्सासिँदै सूर्य लुकेकै छ

क्यालेन्डरको बिहानीले न्यानो नहुने रहेछ ।

भाउ (कविता)

बोलाए हुन्थ्यो त
म हाजिर हुन्थे सेवामा
सम्झनै गरे हुन्थ्यो त
मुस्कुराउँदै आउँथे यादमा
तिम्रो र मेरो ईच्छा एकै भएपछि
गुनासो के रह्यो तिम्रो?

साथीहरू एक कप चियामा
मेरो घन्टौ समय किनिदिन्छन्
तिमी भने भन्छौ,
मेरो भाउ बढेको छ

उज्यालो (कविता)

घामलाई अँगालेर कालो पछ्यौरी ओढेको
उ त्यो आकाशमा हेर  त
कति साना-साना ताराहरू छन्
राख्नेले एउटा एउटा गरेर
कति जतनले
समय लगाएर राखेको होला
यी नभएको भए
यो रात अझै कालो हुन्थ्यो होला है?

हामी पनि हाम्रा स-साना तिना क्षण
यादहरूमा टिपौं है
एकान्तमा यी याद टिल्पिलाउँदा
अलि आराम मिल्ने थियो

गजल ९१

 कि त तिम्रो त्यो मन भारी हो
नत्र त्यो सोच अहंकारी हो

पस्किनु अघि भन्नुपर्थ्यो नि
हजुर पनि मांसाहारी हो

सेतो भित्तामा टाँसिएको पोस्टर

साँझको समय, माइतीघरबाट बानेश्वरको बाटो फटाफट हिँड्दै थियौं । सार्कको तयारीमा झिलिमिली परेको बाटो वरिपरि  खम्बा तथा भित्ताहरूमा भर्खर रङ्ग लगाइएको थियो ।
त्यही बेला दुईजना मान्छेहरू ती खम्बा तथा भित्ताहरूमा केही पोस्टर टाँस्दै गरेका देख्यौं । एकमन त हकारेर भनुँ झैं लाग्यो, तर ती मान्छे टेर्ने खालका जस्ता लागेनन् ।

अनि युक्ति फुर्यो । पोस्टर हेरेँ । एउटा ब्वाईज होस्टेलको विज्ञापन रहेछ । सञ्चालकको फोन नं पनि रहेछ । सिधै नम्बर ९८५१०९०२९८ लगाएँ । उताबाट हेलो सुन्नु अगावै म जिल्ला प्रशासनबाट भनेँ । उताबाट नरम बोलीमा सर भन्नुस् भन्ने बित्तिकै पेलीहालियोे। 'के हो? पुरा शहर सार्कका तयारीमा सफाइ हुँदैछ, तपाइँ चै फोहोर बनाउँदै पोस्टर टाँस्ने'
' त्यो काम रोक्न लाउन हुन्छ कि भोली कारवाहीका लागि प्रहरी पठाउँ?'
उताबाट बाटोतिर पो मान्छे गएछन् भनेर आश्चर्य प्रकट हुँदै तुरून्त मान्छे फर्काउने कुरा आयो । अनि अन्तमा फेरि एक लट थर्काइयो 'त्यो टाँसेको उप्काउन लाउनुस्'

तीनकुनेको झिम्के बत्ती

तिम्रो माया
तीनकुनेको ट्राफिक बत्ति जस्तो
न रातो बल्छ, न हरियो
सुन्तले रङ्गमा झिमिक झिमिक गर्दै
जसले जित्न सक्छ
उसलाई बाटो दिन्छ

बा (गजल)

मन्दिर मस्जिद धाउने संसार मैले पनि भोगेको छु
बा ले कपाल मुसार्दा नै मैले देव भेटेको छु

कलिला यी पाईलालाई हल्लाउँथ्यो यो धरती
मेरो बा को औंला थामी म अझै नि अडेको छु

फिलिङ वरिष्ठ

एकाबिहानै आँखा खुल्यो ।

छामछाम छुमछुम गर्दै छेवैमा रहेको मोबाइल समातियो र टुइटर खोलिहालियो । केही दिन अगाडी लेखिएको टुइटमा रिटुइट भएको नोटिफिकेसन रहेछ । जुरुक्क उठेँ र हत्तपत्त सो टुइट हेरेँ ।

१०० सय आरटी पुगेको रहेछ । बुरुक्कै उफ्रेँ । ज्यान अररिएर आयो, छाती तनक्क भो ।

म त आज देखि वरिष्ठ भएँ!!!

सलमान खानले २०० करोड कमाउँदा के मख्ख पर्यो होला र? जति म भइरहेको छु । #FeelingSalmanKhan

Destination Lumbini: A bike trip

Beauty of bike ride is you get to stop where ever you like and enjoy the scenery.
This time I got bored of K-town and was heading for Lumbini, Western Nepal.
Enjoy the pictures. (Click on the picture for larger view)

Peace , Amen.

Lets Rock the Road.

Northern View from Daunne 

Lonely Souls

How lonely can a person get in a big city? Among millions of people its hard to find friend.
Here are few moment I captured during my stay in Seoul, Korea.

Why me?

I walk in rain cause no one sees my tears

नगरकोट पदयात्राः सहभागी टुइटेहरू

अनिल घिमिरे @aakarpost

दिपेश कोइराला @addkali

ककनी टू नगरकोटः ऐतिहासिक टुइट पदयात्रा

अर्जेन्टिनामय भक्तपुर !

नम्रता र कविता

साथी सन्तोष (@sapkl) ले हाइकिङ जाने हैन भनेर सोद्धासम्म जाने नजाने ठेगान लगाइसक्या थिइन । तर विश्वकप नहेरी रातभरि सुतिसकेपछि शनिवार दिनभरि के गर्ने भन्ने प्रश्नले गिँज्याइरहँदा हाइकिङ जाने नै निर्णय गरियो । शनिवार बिहान ६.११ बजे विजय (@bzaydhital) ले फोन गर्दा उठिसकेको थिएँ । सल्लाघारी चोकमा चाँगु जाने गाडी चढ्नका लागि पहिले नै विजय र मेदिनी(@kbtdhal) पुगिसकेका रहेछन् ।
त्यहाँ कुर्दाकुर्दै अर्का पुराना साथी राजु (@dah_raj) पनि भेटिए । गाडी कुर्नु भन्दा अगाडी हिँड्नु उपयुक्त हुने प्रस्तावमा समर्थन जुटेपछि हामी चार अघि लाग्यौं । भक्तपुरको प्राचिन आर्किटेक्ट र विश्वकपको ज्वरो सँगै झुन्डिएका विभिन्न देशका झन्डाहरू हेर्दै डेकोचा पुगियो । चाँगु जाने गाडी चढ्ने बित्तिकै थप तीन टुइटे सिजन (@cjan_05), नम्रता (@wakil_sahiba) र सामना (@samanagotame) भेटिए । बस उकालो लाग्दै जाँदा बस भित्र रमाइलो पनि बढ्दै थियो । महिला सिटमा पुरुष बस्नु र राजुले सिट नपाउँदा चित्त दुखेको थियो, धन्न अपाङ्ग सिट खाली भयो र बस्न पाए । अँ साँच्ची राजुको पुरानो हेन्डल rara_dd का कारण अझै पनि धेरैले उनलाइ राजुदिदी भनेर चिन्छन् । त्यो कुरा लिएर जिस्काउँदा राजु जहिलेपनि हाँसेर रिस दबाउँछन् ।

जूनले केही बोलेन (कविता)

निस्पट्ट अँध्यारो रातमा तारा गन्दा गन्दै
पूर्वी क्षितिजमा जून उदाउँदा
एक्कासी उसका आँखा चहकिए

जून हेरेर ऊ मुस्कुरायो
जून हाँसीरह्यो, जूनले केही बोलेन

बोटबाट निमोठेर उसले
जूनतिर रातो गुलाफ तेर्स्यायो
जून हाँसीरह्यो, जूनले केही बोलेन

धेरैबेर एकोहोरो जून हेरीरहेपछि उसले
हातको गुलाफ भुइँमा फ्याँक्यो
अनि निहुरिएर आँसुका दुई थोपा झार्यो
जून हाँसीरह्यो, जूनले केही बोलेन

बिहानी प्रहरमा त्यही रातो गुलाफमा
शीतका केही थोपा मोती झै टिल्पिलाई रहेका थिए

केही मिठो बात गर

कुनै गीत किन रुच्छ?
गायकको मोहक स्वर?
मन्त्रमुग्ध पार्ने संगीत?
गीतको समय,सन्दर्भ?
शब्दहरूको मार्मिकता र सान्दर्भिकता?

आजकल गीत सुन्दा दिमागमा यस्तै यस्तै कुराहरू खेल्छन्  । साँच्चै भन्नुपर्दा हरेक गीत मनपराइनुमा विभिन्न कारणहरू हुन्छन् । एउटै कारण हुन्छ भनेर ठोकुवा गर्न सकिन्न । केही गीत सुन्ने बित्तिकै मनपर्छन्, केही दिन मै वाक्क लागछन् । केही गीत भने मनपर्न समय लाग्छ तर मनपरेपछि कहिले पनि वाक्क लाग्दैन । यस्तै केही गीत मध्य कालीप्रसाद रिजालको गीत "केही मिठो बात गर" पनि पर्छ ।

Punctuality

बल्लतल्ल राती अबेर थेसिस प्रस्तावना सक्काइयो । फेब्रुअरी १८ मा अहिलेसम्मको प्रस्तुतीकरण गर्नुपर्ने मिति तोकिएको छ तर आफूले सिन्कोसम्म भाँचिएको छैन । दिमागमा धेरै कुरा छन् तर त्यसलाई चट्ट मिलाएर तार्किक क्रमवद्धतामा उन्न सकिएको छैन । तर जे होस् केही त काम देखाउनु पर्यो, नत्र प्राध्यापक महोदयले हुर्मत लिन्छन् । ईमेलमा प्रस्तावना सँगै भेटघाटको समय पनि मागियो ।  साथै शुक्रवार यो प्रस्तावना स्वीकृत गर्ने अन्तिम दिन हो भनेर समेत सम्झाइयो ।

६ बजे सुतेको मान्छे १० बजे नै निद्रा खुल्यो, अर्धचेतन दिमागले पहिलो काम ईमेल हेर्नुपर्छ भन्यो । छेवैमा रहेको ल्यापटप खोलियो र ईमेल हेरियो । एउटा मात्र नयाँ ईमेल रहेछ त्यो पनि प्रोफेसरको नै ।
ईमेलमा छोटो सन्देश थियो । "Proposal seems ok. Drop by my office at 11.30 AM" ।

लमी (कथा)

चिसो सिरेटो, धुम्म आकाश, अनि आकाशबाट सिमलका रूवा जस्ता स-साना हिउँका थुङ्गाहरूको बर्सात... समय एकदम मनमोहक थियो । म भने माथि आकाशतिर हेर्दै  मुख खोलेर ती चिसा हिउँका थुङ्गाहरू आफू भित्र विलिन गर्ने कोशिश गर्दै थिएँ । कति सफल भएँ, कति असफल भएँ...तर अनुहार भरि चिसो हिउँको स्पर्श र छालाको ताप पाएर पग्लिएको हिउँको चिसोपनाले भित्रसम्मै ठिहिर्याइरहेको थियो । तर अचानक बादल झनै कालो भयो, टाढा कतै साइरन बजेको जस्तो सुनियो । त्यो साइरनको आवाज बेग्लै प्रकारको थियो । त्यो आवाज झन झनै नजिक नजिक आउँदै गयो र स्पष्ट हुँदै गयो । अचम्म !! त्यो साईरनको आवाज त मोबाइल फोनको घन्टी जस्तो पो रहेछ । अझै ध्यान दिएर सुनेँ, मोबाइलमा भाइबरको रिङ्गटोन जस्तै आवाज..दुरुस्त !!

झल्यास्स आँखा खुल्यो... सपना पो देखेको रहेछु । कोठाको एसी बन्द रहेछ । राती यही सेन्ट्रल कन्ट्रोल्ड एसीको तातो हावाले मलाई गर्मी गराएको झोंकमा बन्द गरेर सुतेको थिएँ । अझै चिसो चाहिएर कोठाको झ्याल पनि खुल्लै छोडेको रहेछु । कति बेला देखि हिउँ पर्न शुरु गरेछ, थाहै भएन । त्यही चिसोले कक्रिएर सपनामा सुद्धा हिउँ परेको देख्दै रहेछु ।

बालुवामा (गजल-८९)

नगरुँ भो अब जोरजाम बालुवामा
महलको हुन्न केही काम बालुवामा

लहर बनि आउनु विलिन गर्नु आफूमा
लेखिनेछु फेरी बदनाम बालुवामा

किनाराको प्यास हो या नदी नै छ प्यासी
छालहरु किन लाग्छन् लाम बालुवामा

Jeju: Hawaii of Korea -II

During our hefty Summer session in Korea University, we were offered to visit either Busan Industrial zone or Jeju Island. Jeju won the competition by 99% majority among the students.

It's one of the finest place to spend your holidays in the world. It has three UNESCO World Natural Heritage. The Island offers many natural attractions as well as man made. When you visit Jeju, you'll definitely say "Once is not Enough."

(Click the picture to view it full screen)

Jeju: The Hawaii of Korea - I

During our hefty Summer session in Korea University, we were offered to visit either Busan Industrial zone or Jeju Island. Jeju won the competition by 99% majority among the students.

It's one of the finest place to spend your holidays in the world. It has three UNESCO World Natural Heritage. The Island offers many natural attractions as well as man made. When you visit Jeju, you'll definitely say "Once is not Enough."

(Click the picture to view it full screen)

Seongsan Ilchubong:  One of Jeju's three UNESCO World Natural Heritage