गजल– १०३

बाटोले नि सोध्न थाल्यो आखिर पुग्ने कता रै'छ?
बाटोलाई नि थाहा छैन सक्किने ऊ कहाँ रै'छ?

बाटो हेरी बाटैबाटो अघि लाग्यो एक फिरन्ते
दोबाटोको घर भित्र टुङ्गिने एक कथा रै'छ

गजल १०२

यो रातमा टिल्पिलाउँछन् तारा एक्लै भएर
अँगालोमा राखेको छु मैले जून बेरेर

तिमी आए पछि अब भित्ता भित्ता बोल्नेछन्
राखेका छन् अनिँदा रातका कथा साँचेर

गजल १०१

कि त आफैं बाटो खोलिदेऊ भगवान्
या कोदालो हातमा राखिदेऊ भगवान्

अरु केही पनि माग्ने छैन तिमीसँग
बस् आमाका इच्छा बुझिदेऊ भगवान्