गजल १०४

हरेक जन्मदिनले भन्छ मेरो उमेर बढेको छ

हरेक दिन मलाई लाग्छ मेरो आयू घटेको छ

चुँडिएको चङ्गालाई कस्तो लाग्छ होला?

माथी उडी रहेको छ कि त्यो खस्दै गरेको छ

सानो छँदा सपनामा भगवान आउँथे सँगै खेल्न

जीवन बुझ्न परेपछि निँद्रा मेरो खुम्चेको छ

उसले भन्थ्यो मैले सँधै मलाई मात्र माया गरेँ

भन्नै सकेन मलाई उसलेे बढी माया गरेको छ

पहाड-मैदान छाल खाने लहरका भाका सुन्यौ?

बरालिने एउटा नदीलाई सागरले डाकेको छ