तिमी बिनाको जब रात आउँछ
भित्तालाई नि खूब बात आउँछ
मिठ्ठो लाग्दैछ मलाई यो जिन्दगी
आजकाल तिम्रो, मात्र याद आउँछ
आँखा खोलेर सपना बिच्काउँछु
त्यो सँगै जीवन रेट्ने मात आउँछ
फूलका सपना रच्ने आँखाहरूमा
फूल झरे पछि बरसात आउँछ
मलाई अब बोलाउँदा याद राख्नु
'एकतारे' नाम 'श्री' पश्चात आउँछ
Monday, December 31, 2012
Saturday, December 8, 2012
भीडमा याद मेटिन्न रै'छ (गजल)
भीडमा याद मेटिन्न रै'छ
भीडमा साथ भेटिन्न रै'छ
कहाँ सकें त्यो दिल तोड्न
आफ्नै घर तोडिन्न रै'छ
आफू हेर्छु मुसुक्क हाँस्छु
ऐनामा आफै देखिन्न रै'छ
अरु रूँदा सम्झाउँथे खूब
आफू दुख्दा हाँसिन्न रै'छ
एक्लै दुख्दा बुझ्दैछ मनले
सबै दुःख बाँडिन्न रै'छ
यता आवोस् कि उता जावोस्
दोबाटोमा अडिन्न रै'छ
फूल सँगै पलाए पनि
काँडा भने ओईलिन्न रै'छ
संसार सँग भिड्न सक्छु म
आफै सँग सकिन्न रै'छ
आजादीको कैदी भएँ म
खुल्ला भई उडिन्न रै'छ
था' भो चित्त दुखेको मेरो
त्यसै गजल लेखिन्न रै'छ
खर्च कति गरिस् एकतारे?
त्यसै ताली पाइन्न रै'छ
Wednesday, December 5, 2012
छोटो कविताः किशोर पहाडी
छाम्छु −
आफ्नो छातीको देब्रेतिर
ढुकढुक ढुकढुक,
ढुकढुक ढुकढुक...
को त्यहाँ हृदयअगाडि
उभिएर
ढोका ढकढक गरिरहेछ हँ ?
– किशोर पहाडी
आफ्नो छातीको देब्रेतिर
ढुकढुक ढुकढुक,
ढुकढुक ढुकढुक...
को त्यहाँ हृदयअगाडि
उभिएर
ढोका ढकढक गरिरहेछ हँ ?
– किशोर पहाडी
Saturday, December 1, 2012
Subscribe to:
Posts (Atom)
Popular Posts
-
ओ पहाडिन! तोहार हमार कौन कौन चीज मिलत है? मन मिलत है सोच मिलत है भविष्य कय योजना मिलत है नाहीँ मिलत है तो खाली ई नाम कय पिछे आय...
-
याद छ त्यो वालापनको दिन? हामी दुइ खेल्दै बगैंचामा पुगेका थियौ एउटा बुटामा ढुङ्गाले खोपेर मैले एउटा पिपलपाते आकृति कोरेको थिएँ हाँस्दै ...
-
कार्यकक्षमा एकाबिहानै एकजना अपरिचित व्यक्ति आइपुगे र सिधै सोफामा विराजमान भए । "भाइ नमस्कार म फलाना" "अँ....नमस्कार सर, ब...
-
एउटा मुक्तक थियो, मनमा बसेको मान्छेको पिडा घटाउन रचेको थिएँ । एकदिन कालीदाइलाइ देखाएँ त्यो मुक्तक, मनपराउनु भयो । अनि त्यो गीतमा ढल्यो...
-
एउटा रमाइलो साँझ, धरहराको फेदमा...केही रमाइला मनहरूको साथ धरहराको फेदमै अस्ताउँदै अर्को एउटा तातो दिन म त राम्री छु :) ब्रो त ...