बिहानीको प्रहरमा (गजल - ८८)

जसो गरी रमाउँछ बच्चा नयाँ शहरमा
रमाउँदै छु सपनामा बिहानीको प्रहरमा


भत्काउँछु छिनमा नै छिनमै जोड्छु नयाँ संसार
घटजोडले नयाँ रंग खुल्छन् मेरो रहरमा



शिशिरको स्याँठ होस् वा बसन्तको मन्द बतास्
प्रेमिल गीतका धुनहरू सुहाउँछन् अधरमा

यसपाली भोट के मा?

चारै तिर चुनावको चर्चा छ । कोही चुनाव हुन्छ र जितौंला भनेर चर्चा गर्नमा व्यस्त छन् । कोही चुनाव होला र आफू हारिएला, हराइएला भनेर विरोध गर्न व्यस्त छन् । जे जस्तो होस्, नेपाली लागि पर्या छन् चुनावमा । 

अधिकांशलाई चुनावसँग वास्ता छैन भन्दै चुनावकै गफ गर्नबाट फुर्सद छैन । सबै चोर हुन्, कसले चै के गर्छ र भन्दै कोही न कोहीलाई गाली गर्नबाट फुर्सद हुन्न यस्तालाई । कोही भने भोट हाल्दिन भन्दै कुर्लदै छन्, भने कोही चै कसले खुवाउँला र त्यसका नाममा भोट हाल्छु भनि गफ दिउँला भनेर ढुकेर बसेका छन् । 

म गन्दैछु (गजल - ८७)

दूर आकाश भरी तारा जमात भए ।
म गन्दैछु कति रहर बर्बाद भए ।।

भेट भ'को हिजै जस्तो मात्र लाग्छ?
पुरानो भो साथ अनि ती याद भए ।।

बातका याद (गीत)

स्वरः छिरङ शेर्पा र श्रेया सोताङ
संगीतः कालीप्रसाद बासकोटा
शब्दः एकतारे


तिम्रो मेरो बिचको स-सानातिना बात
मिठो-मिठो बनेको छ यो हाम्रो साथ
छरिएका यी क्षण यी पल हामी बिच
गाँसिएर टुक्रा टुक्रा बन्दैछन् याद

दुःख बाँडे दुःखै घट्ने, दुःख सुनाउ तिम्रो
सुख बाँडे खुशी बढ्ने, सुख लैजाउ मेरो
बाँडी चुँडी साँचौं मुटु भरी
फेरीफेरी जिन्दगी यो गरौं साटासाट

जिन्दगी यो बढे जस्तै बढ्दै जाओस् माया
जिन्दगी यो घाम बने यही नै बनोस् छाया
घामछायाँ एकै भएसरी
जुनिजुनि रहीरहोस् हाम्रो यो साथ...