आज केही नयाँ हुन्छ

सूर्य हाँस्यो विहानमा आज केही नयाँ हुन्छ
स्वप्न नाच्यो सिरानमा आज केही नयाँ हुन्छ

अँधेरीको काल कट्यो, उजेलीमा बाटो खुल्यो
पिर सुत्यो चिहानमा आज केही नयाँ हुन्छ

पहाड सरी बाधाहरू छेक्न खोज्छन् बाटो मेरो
चिरा पर्यो पखानमा आज केही नयाँ हुन्छ

वर्षा याम विदा गरी मन खुल्यो सगर सरी
आश पलायो चिस्यानमा आज केही नयाँ हुन्छ

नौलो मेरो सुरूवातको सन्देश लिइ चरी गायो
आत्मा जाग्यो आव्हानमा आज केही नयाँ हुन्छ

रचना २०६७ श्रावण १७
परिमार्जन २०६७ भदौ २७